Կատալոգ
Ինտերիեր-դիզայն
Խանութների ցանց
Ապառիկ վաճառք
On-line Չափագրում
Մեր մասին

«Ռ և Վ Կոմֆորտ» ընկերությունը հիմնադրվել է 1998 թվականին որպես «Արձագանք 2000» ՍՊԸ և «Արգո-7» ընկերությունների իրավահաջորդը: Այն Հայաստանում առաջատար կազմակերպություններից մեկն է, որը ներմուծում է շինարարական նյութեր, կատարում նախագծային աշխատանքներ և իրագործում կառուցապատումներ:

 Ընկերությունը համագործակցում է արտասահմանյան հայտնի արտադրողների հետ, հանդիսանալով նրանցից շատերի բացառիկ ներկայացուցիչը, և շինարարական նյութեր է ներմուծում աշխարհի տարբեր երկրներից՝ Իտալիայից, Իսպանիայից, Գերմանիայից, ԱՄՆ-ից, Իրանից, Չինաստանից, Բուլղարիայից, Ֆրանսիայից, Հոլանդիայից, Պորտուգալիայից և այլն:

 «Ռ և Վ Կոմֆորտ»-ի խանութների ցանցում կարող եք գտնել հատակների և պատերի համար նախատեսված բազմաոճ և բազմատեսակ երեսպատման սալիկներ, բնական քարեր, խողովակներ, գիպսաստվարաթղթե սալեր, սոսինձներ, սև և գալվանացված մետաղական թիթեղներ, սանիտարական կերամիկա, լողավազանի համար անհրաժեշտ նյութեր, զտիչներ, դռներ և մի շարք այլ ապրանքատեսակներ:

«Ռ և Վ Կոմֆորտ» ընկերությունն իր սպառողին առաջակում է բարձրորակ ապրանքատեսականի և բարձրակարգ սպասարկում՝ երաշխավորելով շահագործման երկարարատևություն և հարմարավետություն: Ապրանքերի բազմազանությունն ու ցածր գները կբավարարեն նույնիսկ ամենախստապահանջ հաճախորդին:

 Ընկերության ներմուծած իսպանական Peronda և իտալական ABK ընկերությունների արտադրած սալիկները 2008 թ. Երևանում «Արդյունաբերողների և գործարարների միության» կողմից կազմակերպված ցուցահանդեսում արժանացել են «Տարվա ապրանքատեսակ» ազգային մրցանակիին:

 2001 թ. Ժնևում (Շվեյցարիա) «Ռ և Վ Կոմֆորտ» կազմակերպությանը շնորհվել է որակի միջազգային մրցանակ:

2011 թ. Մադրիդում ընկերությունը ստացել է միջազգային պարգև՝ որպես շուկայում իմիջի և որակի առաջատար:

 Կարևոր է նշել նաև, որ 2012 թ. ընկերության նախագահ Ռ. Շախմուրադյանը Համաշխարհային բանկի կողմից պարգևատրվել է շնորհակալագրով որպես առավել թափանցիկ գործունեություն վարող:

 

  

                                    

 

Ֆինանսական հաշվետվություններ

2015թ.
2014թ.