Ինչպես մաքրել սալիկները

Ինչպես մաքրել սալիկները

07.04.2021

Blog N1։ Ինչպես մաքրել սալիկները

 

Կերամիկական սալիկներն այսօր առկա են յուրաքանչյուր բնակարանում: Այն օգտագործվում է հիմնականում խոհանոցի, լոգասենյակի և նախասրահի հատակի սալիկապատման ու երեսպատման համար: Այս հոդվածում դուք կգտնեք դրանց մաքրության պահպանման մասին խորհուրդներ:

# Հատուկ նյութեր

Վաղուց արդեն կան հատուկ նյութեր, որոնք օգնում են լվանալ սալիկներից յուղոտ բծերը, ամեն տեսակի կեղտ և նույնիսկ ձուլվածքի հետքերը:

Գնելուց առաջ անհրաժեշտ է ուշադիր կարդալ օգտագործման կանոնները և սալիկի տեսակը, որը կարելի է մաքրել այդպիսի արտադրանքներով: Ավելի լավ է կրեմային կամ գելային նյութեր վերցնել.Պետք է նաև հաշվի առնել սալիկի քիմիական դիմադրության դասը. A և AA դասի սալիկներն առավել դիմացկուն են տարբեր տեսակի նյութերի նկատմամբ, ինչը չի կարելի ասել դիմադրության C ցուցանիշով սալիկների մասին:

Ցանկալի է վերցնել այնպիսի ապրանք, որը կավիճ չի պարունակում: Եթե ​​սալիկների միջև կարերը մշակվում են էպօքսիդային քսանյութով, ապա թթու պարունակող միջոցները նույնպես արգելվում են: Երբ սալիկի վրա սպիտակավուն ծածկույթ է հայտնվում, ավելի լավ է քլոր պարունակող արտադրանք վերցնել: Վերամշակման եղանակը մանրամասն կներկայացվի փաթեթավորման վրա. որին պետք է ուշադիր հետևել:

Ժամանակակից լվացող միջոցներն, իհարկե, արդյունավետ են, բայց դրանք ունեն նաև թերություններ: Կենցաղային քիմիական նյութերը, առաջին հերթին, կարող են ալերգիա առաջացնել: Երկրորդ, դա պահանջում է որ շատ զգույշ լինեք, քանի որ երբեմն դրանցում առկա քիմիական նյութերը կարող են վնասել ձեռքի մաշկը և նույնիսկ շնչառական համակարգը: Ուստի խորհուրդ է տրվում կրել դիմակ և ձեռնոցներ: Երրորդ՝ որոշ ապրանքներ հնարավոր չէ ամբողջությամբ լվանալ նույնիսկ մեծ քանակությամբ ջրով: Ուստի զարմանալի չէ, որ այսօր շատերը հրաժարվում են խանութի ապրանքներից և անցնում են ժողովրդական միջոցների օգտագործմանը:

  • Կերամիկական սալիկներից ճարպը և կրաքարի կուտակումը հեռացնելու ամենատարածված և ամենադյուրին ճանապարհը կիտրոնի հյութ օգտագործելն է: Խնդրահարույց տարածքներում պետք է մանրակրկիտ քսել կիտրոնով և թողնել մի քանի րոպե: Կիտրոնի հյութը կարելի է քամել, մի փոքր ջրով նոսրացնել և ցողել անհրաժեշտ հատվածում: Մի քանի րոպե անց հյութը լվանալ ջրով: Այս մեթոդի դրական կողմ է նաև այն, որ սենյակը կլցվի հաճելի և ամենակարևորը բնական բույրով:

 

  • Սալիկների վրայից յուղը հեշտությամբ մաքրելու համար կարելի է օգտագործել քացախի ու սոդայի խառնուրդ։ Նախ պատրաստում ենք մածուկը, քսում ենք յուղոտ հատվածների վրա, թողնում ենք, որպեսզի չորացած յուղը փափկի, ապա խոնավ կտորով մաքրում ենք։
    Այս լուծույթն օգնում է ոչ միայն մաքրել, այլև վերականգնել սալիկների գույնը։
    Հետքերը վերացնելու համար կարելի է օգտագործել նաև կիտրոն, որի օգնությամբ հնարավոր է հեռացնել անգամ արդեն կարծրացած յուղի հետքերը։ Կեղտոտ հատվածների վրա լցնում ենք կիտրոնի հյութն ու սպասում արդյունքին, որից հետո կրկին մաքրում ենք խոնավ կտորով։

 

  • Վերանորոգումից հետո հաճախ սոսնձի հետքեր են մնում սալիկների վրա. լավագույն տարբերակն այն լվանալն է, քանի դեռ այն թարմ է: Եթե ​​սոսինձն արդեն չորացել է, ապա դժվար կլինի անել միայն ջրով: Առաջարկում ենք պատրաստել ամոնիակի կամ քացախի թույլ լուծույթ և դրանով մանրակրկիտ խոնավացնել սոսնձի հետքերը: Պոլիմերային սոսինձը մաքրվում է ացետոնային լուծույթով: Երբ սոսինձը փափկում է, այն զգուշորեն մաքրեք սպունգով: Սոսինձի մնացորդները հեռացնելու ամենադյուրին ճանապարհը հատուկ լուծիչների օգտագործումն է, բայց անհրաժեշտ է մանրակրկիտ վերլուծել դրանց կազմը սալիկի համար վտանգավոր նյութերի առկայության համար:

 

Խորհուրդ*

Նոր տեսակի լվացող հեղուկներ օգտագործելուց առաջ կատարեք փորձարկում մի փոքր հատվածում: