Vives
Vives-ը հանդիսանում է հատակի և պատերի սալիկներ արտադրող իսպանական խոշոր ընտանեկան ընկերություն, որը ստեղծվել է 1957թ․ և զարգանալով վերածվել հզոր ձեռնարկության՝ իր ժամանակակից ենթակառուցվածքներով հանդերձ։
Vives-ն իր կայուն տեղն է զբաղեցնում միջազգային շուկայում՝ դասվելով կերամիկական սալիկների արտադրության ոլորտի երեք առաջատար իսպանական ընկերությունների շարքին։ Բացի տասը գործարաններից, որոնք արտադրում են կերամիկական գրանիտ, դեկորներ և սալիկներ, ընկերությունն ունի նաև դիզայներական գործարան, որտեղ արտադրվում են սալիկների նոր նմուշներ։ Հետազոտական լաբորատորիան մշտապես վերահսկում է արտադրանքի որակը և արտադրությունն ապահովում նորամուծություններով։
Vives-ի կերամիկական սալիկների որոշ դեկորների վրա ընկերության վարպետ-նկարիչները ձեռքով են նկարում դրանք դարձնելով իրապես յուրօրինակ։ Ամեն տարի թարմացվող կերամիկական սալիկների՝ միջազգային չափորոշիչներին համապատասխանող հավաքածուն ներկայացնում է կերամիկայի լայն տեսականի, որն ի զորու է բավարարել ամենապահանջկոտ հաճախորդին։
Ամեն օր Vives-ի գործարանում արտադրում են 60 հզ․ քմ կերամիկական արտադրանք։ Ընկերության գլխավոր նպատակը արտադրության բարձր որակն է, ինչի շնորհիվ Vives-ը ոլորտում առաջատարներից է, որ 1998թ․ ստացել է որակի համապատասխանության ISO 9001 միջազգային սերտիֆիկատ։
